"Danslagið seiðir
og götuna greiðir"

21.2.07

SNJÓR Í gær var snjóbylur í Aalborg. Þetta er í fyrsta skipti í vetur sem það snjóar lengur en í klukkutíma og meira en hálfan metra. Strætóarnir hættu að ganga, nánast allar búðir voru lokaðar og bílarnir festu sig hægri vinstri. Allt var í lamasessi og stressi. Skil á 3 vikna einstaklingsverkefninu okkar voru meira að segja flutt frá deginum í dag til mánudags "på grund af den noget usædvanlige vejrsituation." Einnig var tímanum í dag frestað. Þetta myndi seint gerast á Íslandi. Svo sá ég mann á hjóli með snjógleraugu. Það var fyndið.

En að öðru snjótengdu. 1.-5. mars förum við 6 saman úr bekknum í hyttetur til Noregs þar sem við ætlum að skíða í Hemsedal. Ég iða af spenningi, enda varla komist á bretti síðastliðin tvö ár. Samt er ég pínulítið stressuð yfir væntingum hópsins þar sem ég er búin að vera með stanslausar og oft ýktar yfirlýsingar um Ísland, draumaland snjós og fjalla og kostabæinn Ísafjörð þar sem skíðasvæðið er aðeins 10 mínútur frá húsinu mínu. Get ekki sagt að brettafærnin samræmist fullkomlega þessum staðhæfingum. Ég verð að reyna að útskýra snjóleysið á penan hátt.
...sagði Hafdis Sunna klukkan 02:04