"Danslagið seiðir
og götuna greiðir"

29.10.06

Jæja, það er allt fínt að frétta, en svosum ekki mikið þar sem allir dagar og flest kvöld fara fram í skólanum, sem er orðin eins og hálfgerð félagsmiðstöð. Þetta er voða næs, þar eru allir, enda frábær aðstaða sem 3. semester hefur, heil hæð með eldhúsi og öllu tilheyrandi í nýinnréttuðu húsi í göngugötunni. Danirnir gleyma nú samt að ekki að hygge sig inn á milli og fá sér öl. Um daginn var gott hresst danskt partý hjá strák í bekknum og síðar Halloween fest í skólanum, án búninga reyndar, þrátt fyrir að ég hafi nánast mætt í 80's búningi. Það var frekar lagt upp úr því að umhverfið væri sem hrekkjavökulegast, sem tókst því salurinn var yfirfullur af trjám, kóngulóarvefjum og útskornum graskerum. Í gær voru svo tónleikar í Nordkraft húsinu, sem er svona eins og Edinborgarhúsið var á Rokkhátíð 2005, nema 4x stærra. Plön um einn öl enduðu eins og oft vill verða í dansi í bænum til klukkan fimm, en þá var ótrúlega næs að geta stillt klukkuna aftur um einn tíma.

Stundum virðist jörðin snúast óþarflega hratt í kringum sólina, tíminn líður að minnsta kosti mjög hratt. Jólin nálgast óðfluga, sem er frábært, en stressandi þegar ég man eftir öllum þúsund hlutunum sem ég á eftir að gera áður en þau hringja inn. Ég er einmitt búin að bóka flugið heim. Aalborg - Köben - Reykjavik : 15. desember - Ísafjörður: 16. desember. Fer svo út aftur 4. janúar.
Hluti af hópnum mínum í eldhúsinu í skólanum að gæða sér á wok réttnum sem við elduðum og kökunni sem við "bökuðum". Við Lísa á leiðinni á Halloween fest. Nordkraft.
...sagði Hafdis Sunna klukkan 14:13