"Danslagið seiðir
og götuna greiðir"

6.6.06

Prófin eru að skella á svo síðasta vika fór í módelgerð, lestur og undirbúning, svona að einhverju leyti allavega. Annars var það 80's lokapartý, 3 ára afmæli og heimsókn mömmu sem stóðu uppúr. Það var alveg best í heimi að fá mömmu.

Byrjað var á fyrirpartýi þar sem rauði varaliturinn, bleiki kinnaliturinn og hárspreyið voru óspart notuð til þess að ná rétta lúkkinu. Partýið var í gömlu sennilega áttunda áratugshúsi, sem var heldur betur til að ýta undir stemninguna. Svo eru auðvitað allir í Danmörku á hjólum, fyndið hvað það átti vel við 80's fílinginn. "What a feeling", við Lísa tókum bara Flashdance á þetta, enda sporty undirþemað, mig vantaði bara Reebook Freestyle skóna. Mikið lagt á sig fyrir lúkkið, þarna fórna ég meira að segja myndavélabrosinu. Komin í lokapartýið og allir strax orðnir hressir, enda barinn frábær, allir kokteilarnir á 25 og vel sterkir. Gott partý, samlokur í kvöldkaffi og allt. Dannebrog. Mamma á Strikinu. Eftir þrammið á Strikinu vorum við örmagna og orkuðum ekki 3 mínúturnar heim á hótel svo við settumst upp í taxa. Hann neitaði að keyra okkur svo við fórnuðum lífi okkar og mannorði fyrir rándýran og skröltandi hjólataxa eins og verstu túristar. Við fóru á smörrebrödsrestaurant Idu Davidson, þetta er minn réttur, hann rann ljúft, smörrebröd klikkar ekki. Síðan kíktum við í Dansk Design Center, skemmtilegar útstillingar þar.... ...meðal annars "FLOWmarket", þar sem möguleg framtíð var sett upp. Svo urðum við auðvitað að skreppa í Tivoli, gaman, nema hvað við fengum verstu steik í heimi þar, hún baulaði nánast á okkur, en það bættum við upp með sjúklega góðri steik á Hereford steikhús, þið þangað næst þegar þið verðið í Köben. La la la la... Lill Ann og Christian að prófa seglbretti. Það var meiningin að ég myndi gera það líka, en það klikkaði aðeins. Það var ótrúlega gott veður allan tíman sem mamma var í heimsókn, sól og hiti og því alltaf ístími, jess. Við mamma á leiðinni í pik nik með íslenskar flatkökur, skonsur og Nóa Síríus nammi, gerist ekki betra. Svo eldaði mamma hangikjöt með öllu tilheyrandi og ég jarmaði af sælu. Varð að setja þessa fínu pósmynd af mömmu inn. Það er búið að vera frábært veður hérna undanfarna daga svo við tókum eitt strandblak milli stærðfræðilestursins. Mitt lið vann, enda vorum við ekki alltaf að kyssast eins og hitt liðið. Klara Líf 3 ára. Alltaf stuð í barnaafmælum, Andri grillaði pulsur, Lísa bakaði kökur og allir voru hressir.
...sagði Hafdis Sunna klukkan 18:58