"Danslagið seiðir
og götuna greiðir"

7.5.06

Á síðustu helgi var stelpukvöld hjá Ernu. Þau ganga ekki út á fáklædd trampolínhopp og koddaslag eins og sumir vilja meina, heldur fara þau í að raða ofan í sig óhollustu, tala íslensku og rífa sig yfir Danmörku. Bæði skemmti- og nauðsynleg. Tók fullt af myndum.... en bara af nýja hundinum þeirra. Um daginn keyrðum við hópurinn niður til Sönderjylland að heimsækja Hartmann og Danæg í tengslum við hönnunina á eggjabakkanum. Mjög áhugavert að sjá þetta, líka bara stemning að keyra yfir þvert Jótland í glampandi sól með flottu stóru grænu túnin og risa vindmyllurnar þjótandi hjá. Svo lenti ég í kökuafmælisboði hjá grænlensku Qupanuk í gær, hún hatar súkkulaði svo í staðin voru bara þeim mun djúsíaðri rjómakökur. Ég á miklu meira sameiginlegt með henni en nokkurn tíman íhaldssömu og nísku Dönunum. En pabbi hennar er einmitt íslenskur konsúll. Svo var það grillveisla hjá Flóru og Bjögga með ótrúlega góðum mat. Á þessari mynd er Flóra að renna ofan í sig eftirréttnum úti á palli í ermalausum bol klukkan 21, ég held að sumarið sé komið í Álaborg. Við Lill Ann enduðum svo kvöldið í Arkitektur og Design fest í Tivoli Karolinelund, úff ég ældi næstum í einu tækninu eftir þennan líka maraþonmatardag. En þetta var algjörlega flottasta AogD festin sem ég hef farið í hingað til og ekki skemmdi fyrir kvöldinu að fá spurninguna "hvor længe har du gået på dans?", haha, svona eru Íslendingar klárir að dansa, kannski þorrablótsarfur.
...sagði Hafdis Sunna klukkan 15:50