"Danslagið seiðir
og götuna greiðir"

16.5.06

Skil á 4 mánaða eggjabakkahönnunarverkefninu er eftir viku svo undanfarnir dagar hafa verið algjört stress, hamagangur sem síeykst með hverri mínútunni sem tikkar frá. Það eina sem ég fann að borða áðan var niðursoðinn ananas sem hafði verið falinn innst í hillunni síðan í janúar. Á morgnana borða ég Cheerios, en án skálar og mjólkar því það á ég ekki til lengur. Íbúðin er á hvolfi, sem og ég, mæti í skólann í restunum úr skápnum, ósamstæð og úfin. Á svona tímapunkti er þráðurinn orðinn ansi stuttur og ég má hafa mig alla við svo ég öskri ekki á Danina þegar þeir trufla mig með skrumskældu nafni mínu, "Súnna, jeg tænkte på...". Þið sem eruð búin í skólanum, njótið mikið og innilega, fáið ykkur SSpulsu og appelsín og hugsið ahh, djöfulli hef ég það ógeðslega gott!
...sagði Hafdis Sunna klukkan 20:44