"Danslagið seiðir
og götuna greiðir"

7.2.06

Síðustu dagar hafa verið viðburðarríkir og ótrúlega skemmtilegir. Kalli kom í heimsókn, ekkert smá hresst og gaman að fá hann. En almennt er ég auðvitað bara rosalega hamingjusöm með íslensku heimsóknirnar sem eru farnar að rúlla og bíð spennt eftir fleirum. Við fórum að sjálfsögðu í búðaleiðangur og ég keypti mér smá, Kalla svona til samlætis (hehe), enda fötin á slik núna í sjötíuprósentútsölugeðveikinni. Svo er auðvitað venjan að hafa tískusýningu þegar maður kemur heim, en þarna sjáumst við skarta nýju dressunum. Þarna erum við á skautum, ferlega gaman. Við kepptumst auðvitað við að vera með hvert öðru flottara hoppið og svingið á meðan við ímynduðum okkur vínarvalsana hljóma í eyrunum. Enduðum svo auðvitað ekki með gullmedalíu á stalli, heldur bara kófsveitt með marbletti og skrámur. Þessi mynd er svo tekin í 25 ára stuðpartýsafmælinu hennar Flóru, en þarna eru einmitt afmælisbarnið og Kalli í góðum gír.
...sagði Hafdis Sunna klukkan 16:16