"Danslagið seiðir
og götuna greiðir"

7.9.05

Var að koma heim úr studietúrnum til Kaupmannahafnar, það var fínt. Skoðuðum nýlistasafnið Louisiana museum, það er ótrúlega flott og skemmtilegt safn sem ég mæli með að allir sem eiga leið um Danmörku kíki á. Þar er allskonar hönnun, allt frá Andy Warhol myndum til útisteypubekkja Jean Nouvel. Svo er hægt að kaupa sniðugt dót þarna, það er gaman að kaupa, þ.e. ferlið alveg þangað til þú þarft að borga. Ég þurfti að hlaupa út með lokuð augun því ein loftljósategundin grátbað mig um að taka sig með mér heim.

Síðan fórum við á Ordrup Gaard museum, safn fyrir franskan impressionisma. Það var ekki jafn áhugavert, en yfir stóð sýning með myndum Paul Gauguin, þær fá aldrei að prýða heimilisveggina mína. En það var gaman að skoða nýju Ordrup Gaard bygginguna eftir Zaha Hadid, hún er ferlega spaceuð og flott að utan en nýtist ekkert sérlega vel að innan.

Svo helltu allir í sig 30 krónu bjór á leiðinni heim, bæði kennararnir og krakkarnir.
...sagði Hafdis Sunna klukkan 21:13