"Danslagið seiðir
og götuna greiðir"

3.9.05

Þúsund þakkir fyrir öll frábæru commentin í færslunni á undan, þið vitið ekki hvað þau björguðu miklu. Það er allt að verða betra, en hversu fáránlegt sem það er þá skiptir það voða litlu máli, það slökknar ekki á viðkæmnisstöðinni. Ég reyni að hugsa um íslenska víkingablóðið sem rennur í æðunum, reyni að berja niður þennan aumingjaskap, þetta hlýtur að fara að lagast, ég verð að vera landi og þjóð til sóma og harka þetta af mér.

Kristinn bróðir var að fara í dag, það er búið að vera frábært að hafa hann. Erum búin að ferja endalaust mikið af allskonar dóti inn í íbúðina mína og þegar þið opnið eldhússkápana þá trúið ekki hver býr hérna, fullt af pottum og pönnum til þess að berja þjófana með. Djók, ég ætla að reyna að elda e-ð án þess að það þurfi að kalla á brunaliðið, enda ísskápurinn orðinn fullur af allskonar kræsingum.

Síðan er ég búin að kynnast fínni norskri stelpu, Lillann frá Stavangri sem er búin að bjóða mér út með sér í kvöld. Svo eru 4 Íslendingar með mér í bekk, 3 strákar og 1 stelpa. Erum reyndar um 100 í bekk svo ég er bara búin að hitta einn Íslendinganna, hitti Garðbæinginn Sigga í lestinni í gær, hann er meira að segja að fara að búa í sama húsi og ég og á sömu hæð.
...sagði Hafdis Sunna klukkan 12:49