"Danslagið seiðir
og götuna greiðir"

5.9.05

Jæja, 3 skóladagar búnir. Finnst Álaborg sem slík mjög fín, en skólinn fær hinsvegar ekki jafn margar stjörnur, úps, því það var eina ástæðan fyrir því að ég fór út. Ef ég hefði getað lært nákvæmlega þetta á Íslandi þá hefði ég tvímælalaust verið áfram heima á farsæla fróni. Námið sjálft er ótrúlega spennandi og skemmtilegt og fullt um að vera í skólanum, en að vera allan daginn í dönskutímum með mismunandi ívafi er leiðinlegt, svo leiðigjarnt að ég hef sofnað í tveimur tímum. Það er ekkert mál að tala dönskuna, en það er algjör gestaþraut að skilja spítttalandi kennarana og krakkana. Maður er líka svo ótrúlega fatlaður þegar það vantar málið og það er ekkert grín að vera fatlaður. Tinna, Gylfi og Ingvar ekki búa til fatlbrandara um mig.

Á miðvikudaginn erum við að fara í studietur til Kaupmannahafnar að skoða byggingar, hluti og hönnun þeirra. Næstu dagar fara í að skrá mig í fögin sem ég vil vera í auk stærðfræðinnar og fjögurra annarra faga. Er komin í P0 projekt hóp, en við erum að vinna saman að verkefni um Gallo Roman Museum eftir franska hönnuðinn Jean Nouvel, eigum að skila því 23. sept og ef við náum því ekki þá erum við dottin út. Með mér í hóp er danskur Kalli, ótrúlega skondið, beið bara eftir því að hann tæki Kramer innkomuna og drægi upp viskýpelann. Og svo eru það slæmu fréttirnar: ég fæ bara örstutt jólafrí, skólinn hættir 22. des og byrjar aftur 2. jan. Glatað, ég sem hélt að ég væri í ligeglad Danmörku. Nei nei nei nei, ég verð komin heim 17, trúi ekki öðru en að þau falli fyrir hundasvipnum, þögnunum og niðurbrotnu röddinni, "ja men...".

Endilega segið mér hvernig er í skólanum hjá ykkur, eruði alveg að rúlla þessu upp og reitandi af ykkur brandara í tíma og ótíma?
...sagði Hafdis Sunna klukkan 16:47